Lugo renova o seu calendario cultural de cara ao primeiro semestre deste 2022 con varios espectáculos de danza. Así o vén de anunciar a concelleira de Cultura, Turismo e Promoción da Lingua, Maite Ferreiro, que presentou as actividades enmarcadas no ciclo Lugo en Danza.
Ferreiro destacou que “a nivel galego, só os concellos de Lugo e a Coruña contamos con programación de danza estable durante todo o ano, o que nos permite colocarnos como un punto importante desta arte escénica no calendario estatal e atraer a Lugo espectáculos de primeira calidade, ao mesmo tempo que apoiamos ás creadoras e creadores locais e galegas”.
A primeira obra terá lugar o 25 de xaneiro e tratarase de “Nubivago”, de Equilibrio dinámico. Despois seguirá, o 17 de febreiro con “O raro é que bailar sexa raro” de Andrea Quintana, e máis tarde, o 6 de marzo; “Nina ninette” de Traspediante. Así até o 17 de xuño con 17 de xuño, “Nó” de Elahood. É a terceira edición do ciclo Lugo en Danza.
