Os servizos municipais do Concello de Lugo detectaron dous positivos no Fogar do Transeúnte, segundo informa, dentro do protocolo establecido.
A edil responsable de Benestar Social, Olga López, explica que todas aquelas persoas que necesitan pasar a noite no albergue municipal deberán mostrar o certificado de vacinación ou achegar un test de antígenos negativo.
Ademais, indica que esta mañá a maior parte das persoas que dormen no Fogar do Transeúnte, ao redor dunha vintena, realizaron xa o test de forma voluntario despois de que, este mércores, fosen detectados os dous casos positivos.
“Trátase de dúas persoas que, grazas á ampliación que fixemos das instalacións municipais, permanecen illadas e con sintomatoloxía controlada en todo momento nunha parte das dependencias do Fogar”, explica. Nesta xornada, procederase ao seu traslado a un hostal para o cumprimento do confinamento.