O goberno da Deputación de Lugo levará este martes, 28 de decembro, a pleno a aprobación das bases do Plan Único 2022, que ascende a 21,5 millóns.

Por segundo ano, o executivo provincial saca adiante o programa de investimentos no exercicio anterior ao seu período de vixencia, o que permite ás entidades locais planificar as accións municipais con maior antelación.

Como novidade e avance para os municipios máis pequenos, establécese que só deberán enviar a documentación que acredite e xustifique debidamente as actuacións realizadas, coa eliminación de trámites intermedios.

Así, a Deputación sinala que fai, a través do Plan Único, unha distribución dos recursos públicos entre os 67 municipios da provincia con “criterios públicos e obxectivos”.