InicioLugo e contornaLugoContar atrás para que as luces de Nadal regresen ás rúas de...

Contar atrás para que as luces de Nadal regresen ás rúas de Lugo

Está previsto que o alumeado funcione dende o 3 de decembro ao 9 de xaneiro.

PUBLICADA O

- Advertisement -

Remata o mes de outubro e, nas rúas, o frío comeza a anunciar o inverno. Para ir acorde á meteoroloxía, o Concello de Lugo vén de anunciar que inicia manobras para devolver as luces de Nadal ás rúas da cidade. Así o apuntou a a concelleira de Cultura, Turismo e Promoción da Lingua, Maite Ferreiro, que destaca que o goberno de Lugo vén de aprobar a apertura do procedemento de licitación do alumeado deste Nadal.

Ferreiro explicou así que se contará “con alumeado polo centro e polas principais rúas e prazas da cidade onde se instalarán distintos elementos ornamentais referentes ao nadal”. O alumeado de Nadal sae a licitación cun orzamento máximo de 146.149,85€. De cara á adxudicación, o persoal técnico valorará o número de puntos de luz de cada un dos elementos, a oferta económica presentada e o aspecto estético de cada proposta. As luces entrarán en funcionamento o 3 de decembro, e permanecerán ata o 9 de xaneiro de 2022.

Este ano colocaranse nas distintas rúas e prazas un total de 189 arcos luminosos e 30 elementos ornamentais. Ademais, decoraranse 100 farolas. Entre os elementos ornamentais, destacan a instalación dunha figura en 3D na praza de Santo Domingo, preto da Praza de Abastos, que contará como mínimo con 2.600 puntos de luz e a decoración de 4 rotondas da cidade con árbores de 8 metros de altura e 1.900 puntos de luz. Noutras prazas, instalaranse outros motivos en 3D cun mínimo  de 2.000 puntos de luz ou árbores de 3 metros de altura e 12.000 puntos de luz.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...