InicioDeportesBuscan a 50 persoas para traballar como persoal auxiliar do World Padel...

Buscan a 50 persoas para traballar como persoal auxiliar do World Padel Tour

Os postos a cubrir son para o control de accesos, o control de gradas, para pista e conductores.

PUBLICADA O

- Advertisement -

O World Padel Tour busca traballadores eventuais, concretamente, 50 persoas para traballar de persoal auxiliar neste evento deportivo que se celebrará en Lugo entre o 3 e o 9 de setembro.

O Salón de Actos do concello acollerá dúas xornadas de entrevistas para cubrir 50 postos, o mércores, 29 de agosto, de 16:00 a 20:00 horas, e o xoves, 30 de agosto, de 10:00 a 14:00 horas e de 15:30 a 18:30 horas. Todas as persoas interesadas deberán achegarse co DNI, número de seguridade social e currículum.

Os postos a cubrir son para o control de accesos, o control de gradas, para pista e conductores, que é o único posto que require experiencia e antigüidade.

Ao campionato profesional de pádel, que hoxe en día é o segundo deporte colectivo de máis participantes en España, asistirán en Lugo 140 parellas, as mellores clasificadas na categoría masculina e feminina, e os primeiros a nivel mundial. Ademais, o World Pádel conta cun canal de televisión propio, con 238.000 espectadores e un 2% de share de media por tour, e retransmisión en streaming, cun millón de conexións.

Segundo a propia organización, o evento conta cun retorno económico de  preto dun millón de euros, aumentando as vendas no comercio local noutras cidades sede, como en Mijas a semana pasada, entre un 20% e 25%

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...