InicioSociedadeO Concello de Lugo quere converter a parcela do Garañón en zona...

O Concello de Lugo quere converter a parcela do Garañón en zona verde

A alcaldesa de Lugo xustifica a demolición destas torres ao atoparse o promotor en "concurso de acredores".

PUBLICADA O

- Advertisement -

A alcaldesa de Lugo, a socialista Lara Méndez, xustificou este venres a demolición das torres do Garañón ao atoparse o “promotor” en “concurso de acredores”, polo que a derriba a asume o Concello “subsidiariamente”. E é que esta semana se aprobou na xunta de goberno a demolición do Garañón, que contará cun orzamento de case un millón de euros e que se acometerá o próximo ano.

Ante a non actuación do promotor, que está en concurso de acredores, o Concello decide dar un paso adiante e asumir de maneira subsidiaria esta demolición“, argumentou a rexedora. Ademais, Méndez concretou que se pediu “un informe para que se cuantificase sobre máximos e ao final xa veremos o custo final para poder materializar” este traballo.

Respecto diso, a alcaldesa de Lugo incidiu en que “ao non facelo o promotor que está en concurso de acredores poida que cambie a propiedade”. “E nós queremos liquidar esta situación, traballando tamén en paralelo para converter ese lugar nunha zona verde”, abundou.

Lara Méndez sinalou que se pretende converter esa parcela en zona verde, integrala no Parque Rosalía de Castro, para seguir con ese modelo de cidade “máis sustentable”, engadiu. Así, considerou que se cumpre o “obxectivo” que xa anticiparon na anterior lexislatura, de ir á demolición das torres aos pés do parque e converter o solar nunha zona verde.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

Detidas tres persoas na provincia de Lugo por varios roubos de ferramentas, gasóleo e outros efectos

Axentes da Garda Civil detiveron a tres persoas como presuntos autores de varios delitos...

A Deputación de Lugo lanza o I Xornadas Feministas con motivo do 8M co foco posto “na mocidade”

A deputada da área de Muller e Igualdade da Deputación de Lugo, Marisol Morandeira, presentou...

Dous feridos en Lugo ao saírse da vía o vehículo no que viaxaban e chocar contra unha árbore

Dúas persoas resultaron feridas este sábado en Lugo ao saírse da vía o vehículo...