- Advertisement -
Persoal da Deputación de Lugo participa en cursos de formación impartidos por profesionais da USC sobre ferramentas de información xeográfica. Esta acción formativa, desenvolvida ao amparo do convenio entre goberno provincial e USC, concluíu este xoves tras varias sesións impartidas por vía telemática desde o pasado 18 de maio.
En concreto, unha vintena de técnicos e persoal administrativo que, de carácter habitual ou ocasional, necesitan obter información de mapas ou geolocalizar lugares recibiron formación sobre este tipo de ferramentas.
Así, este curso achegou aos participantes ás tecnoloxías máis avanzadas no uso e tratamento da información territorial.
