InicioLugo e contornaLugoUnanimidade na Deputación contra o cobro de peaxes en autovías "se non...

Unanimidade na Deputación contra o cobro de peaxes en autovías “se non hai consenso”

A moción, impulsada polos nacionalistas, incorpora unha emenda do PSOE na que se precisa que se rexeita a medida a condición de que non haxa un consenso no ámbito estatal.

PUBLICADA O

- Advertisement -

O pleno da Deputación de Lugo, no que están representados PSOE, PP e BNG, apoiou por unanimidade unha moción impulsada polos nacionalistas en contra da proposta do Goberno central de cobrar peaxes nas autovías para o financiamento da conservación destas infraestruturas.

Iso si, a iniciativa aprobada incorpora unha emenda do PSOE na que se precisa que se rexeita a medida a condición de que non haxa un consenso no ámbito estatal entre as partes implicadas para a aplicación das devanditas taxas.

O presidente da Deputación, o socialista José Tomei, remarcou que os socialistas son contrarios a que a medida se leve a cabo “se non hai un consenso” a nivel nacional por parte das partes implicadas. “Se hai consenso, ben; pero se non, non se debe producir”, apostilou.

En todo caso, remarcou que “o que está a facer o Ministerio de Transportes” é “continuar” un estudo iniciado polo Executivo que dirixiu no seu día o popular Mariano Rajoy.

Os populares, pola súa banda, apoiaron a iniciativa, pero queixáronse da “submisión” do BNG por aceptar a emenda socialista e non a que impulsou o grupo do PP, “moito máis construtiva”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...