InicioSociedadeO Concello de Lugo "dignificará" unha das principais entradas ao centro histórico

O Concello de Lugo “dignificará” unha das principais entradas ao centro histórico

Destina uns 124.000 euros á urbanización da esquina de San Roque coa Rolda da Muralla

PUBLICADA O

- Advertisement -

A alcaldesa de Lugo, Lara Méndez, acompañada do concelleiro de urbanismo, Álvaro Santos, presentaron o proxecto de urbanización da esquina de San Roque coa Rolda da Muralla. Esta actuación, que conta cun investimento de case 124.000 euros, foi aprobada, de forma inicial, na xunta de goberno. A partir de agora someterase a alegacións durante un mes para despois pór en marcha o proxecto.

Lara Méndez destacou que con esta intervención, que se prevé iniciar ao longo deste ano e cun prazo de execución de seis meses, preténdese “dignificar unha das principais entradas ao centro histórico, nun enclave moi concreto porque aí conflúen dous patrimonios da humanidade, como son a muralla e o Camiño Primitivo”.

“O anuncio da urbanización é unha boa noticia para Lugo e para a protección da súa contorna e dos seus bens mundiais, polo que implica de acondicionamento dunha contorna especial e de resolución das comunicacións tanto peonís como rodadas da zona”, subliñou.

O concelleiro de urbanismo, Álvaro Santos, concretou que esta proposta de actuación contempla, entre outras actuacións, “obras de demolición e reposición de pavimentos na calzada”. Así, eliminarase a actual pasarela de metal, 30 anos despois de realizarse de forma provisional.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...