Nacido en agosto do pasado 2020, o movemento #CoidemosLugo pretende este 2021 seguir organizando accións de concienciación ambiental e de respecto polo patrimonio.
Despois da súa primeira acción no mes de agosto, o equipo de voluntarios foi medrando e chegaron novas accións en apoio a outros colectivos como Adega, UNED Lugo ou Asociación Corripa (entre outros). No mes de novembro anunciábase a segunda acción organizada propiamente polo movemento, e debido as restricións sanitarias decidiron non retomalo ata este mes de abril.
Neste momento xa están anotadas 17 persoas para o sábado 24, pero aínda é posible unirse a través das redes sociais (Facebook, Twitter e Instagram) de #CoidemosLugo.
