O presidente da Asociación Provincial de Empresarios de Hostalaría de Lugo (APEHL), Cheché Real, confía que se “flexibilicen” as restricións, por parte da Xunta de Galicia e do comité clínico, ao sector a partir da próxima semana.
Real explicou que esperan “os resultados dos contaxios despois da ponte de San José e de Semana Santa” para, “a partir de aí, esixir”. “Si os resultados son óptimos, ese premio polo bo comportamento, polo bo seguimento das pautas e protocolos sanitarios”, afirmou para pedir que iso se traduza nunha “flexibilización” a esas limitacións que padece a hostalaría en canto “a horarios” e tamén en menos barreiras de acceso ao os locais.
“Isto é básico para o desenvolvemento e ter unha calidade mínima de ingresos e liquidez nas empresas de hostalaría”, advertiu o presidente da APEHL. En canto a peches neste ano de pandemia, Cheché Real deixa esas estimacións para despois do verán pero xa avanza que podería situarse “entre o 30 e o 40 por cento” dos negocios da provincia de Lugo.
“A mediados ou finais do verán vaise a aclarar sobre cantos pecharon. Xa veremos pero vai haber unha caída importante e van pechar moitos por motivos económicos”, sinalou Real, que precisa que, na actualidade, un “30 ou 40 por cento dos establecementos poden verse abocados a baixar a persiana”. Cheché Real, que foi reelixido á fronte do sector en Lugo, afronta este mandato desde o horizonte de “unha etapa nova, diferente e difícil”.
