Os efectivos do seis parques comarcais que xestiona o Consorcio Provincial de Bombeiros de Lugo contan cun novo traxe de protección para realizar as súas intervencións, un equipamento no que a institución investiu máis de 155.000 euros.
Este novo equipamento está fabricada pola marca inglesa Bristol e faise en tecido PBI, moito máis lixeiro e capaz de soportar maiores temperaturas que os materiais tradicionais. Así mesmo, a Deputación de Lugo destacou que é un traxe máis ergonómico e cómodo para o traballo.
Os traxes que viñan usando ata agora teñen 9 anos e, nalgúns casos, puidéronse conservar como segundo equipamento para cando os novos se estean reparando ou se vexan alterados por calquera cuestión. Así, cada efectivo terá dous equipamentos á súa disposición.
