A Deputación de Lugo manterá despregado por completo o seu dispositivo invernal para facer fronte á previsión de fortes nevadas este xoves e venres.

Concretamente, a institución provincial poñerá todos os seus recursos a disposición da veciñanza da provincia para garantir, na medida do posible, a seguridade da rede viaria provincial e municipal e atender as incidencias que poidan causar a situación meteorolóxica.

Deste xeito, a Deputación terá despregados un total de 112 operarios e 64 máquinas e disporá de máis de 420 toneladas de sal nos 12 silos cos que conta, situados noutros tantos concellos da provincia, para desfacer as placas de xeo que haxa no firme.

En todo caso, a Deputación recomenda á veciñanza consultar as previsións meteorolóxicas antes de realizar saídas e extremar todas as precaucións.