A Xunta informou de que empezará a próxima semana os traballos de roza e limpeza nas marxes da estrada LU-232, que comunica Lugo e Friol. A Consellería de Infraestruturas e Mobilidade, a través da empresa pública Seaga, realizou nos últimos meses estas tarefas de acondicionamento nas franxas de dominio público de vías autonómicas do catro provincias para previr lumes e reforzar a seguridade viaria.
En paralelo, na provincia de Lugo, seguirán as tarefas en marcha na vía de alta capacidade CG-2.2, en Lugo e no Corgo. Á súa vez, nas estradas da provincia da Coruña, continúan tamén os traballos de roza e limpeza nas marxes da autovía Ferrol-Vilalba, a AG-64, ao seu paso polo municipio das Pontes. A próxima semana tamén continuarán os traballos en distintas vías autonómicas das zonas de Caldelas, Trives, Valdeorras e Viana e na estrada OU-622, en Ou Barco.
