A sección segunda da Audiencia Provincial de Lugo condenou a cinco anos de prisión e a outro cinco anos de liberdade vixiada a un adestrador dun equipo de fútbol sala de 60 anos por abusar sexualmente e de forma continuada dunha das xogadoras, de 15 anos.
Ademais, impúxolle a prohibición de comunicarse e aproximarse á vítima durante seis anos, así como a inhabilitación para calquera profesión ou oficio que leve contacto regular e directo con menores durante cinco anos.
O tribunal considera acreditado que o acusado iniciou un achegamento sexual cara á menor, que se atopaba baixo a tutela da Xunta e ao coidado da súa avoa materna, en xullo de 2015, cando ela contaba con 15 anos, e que a mantivo ata 2017.
Para iso, afirma o tribunal, se valeu da “súa superioridade” como adestrador da moza e “como referente masculino”, dado que a vítima crecera ” sen a figura dun pai”. De feito, apunta, inicialmente a menor cría que “vivía dentro dunha relación que non percibía como abusiva” e só tras acudir a terapia decatouse da realidade.
Para a Audiencia, tanto as testemuñas como as probas –como as mensaxes intercambiadas entre ambos os dous– acreditan o sucedido. “Non existe dúbida algunha de que se bicaban, acariñábanse e masturbábanse, condutas que, necesariamente, o acusado, con máis de 60 anos, debía coñecer que non podía manter cunha nena de 15 anos nunha situación de clara vulnerabilidade“, di a sentenza.
