Efectivos de Policía Local, Nacional e Autonómica buscas estes días no centro de Lugo a catro persoas positivas por covid-19 que permanecen fuxidas. A busca deu comezo por orde dun xulgado logo de que o Fogar do Transeúnte informara de que lle perdera a pista ós contaxiados, todos eles persoas sen fogar.

O feito de non contar cun domicilio fixo estaría a complicar a busca dos catro contaxiados, que ao parecer xa foran sancionados en varias ocasións por non facer uso da máscara na vía pública. Por riba, tamén foron detidos por incumprir o confinamento mesmo logo de dar positivo na PCR. Nestes momentos os axentes están a comprobar distintos puntos da cidade para dar cos fuxidos. Unha vez localizados poderían ingresar no módulo de custodia penitenciario co que conta o HULA para que cumpran obrigatoriamente a corentena. Non se descartan sancións económicas.