InicioCulturaUnha das poucas estradas tradicionais que quedan en Galicia atópase en Lugo...

Unha das poucas estradas tradicionais que quedan en Galicia atópase en Lugo e corre perigo

Esixen á Xunta que deteña as obras para ampliar o firme para non "arrasar" árbores e muros.

PUBLICADA O

- Advertisement -

Cada vez quedan menos e unha delas está en Lugo. Esa viría sendo a advertencia da plataforma Lista Roja del Patrimonio a respecto da estrada LU-231 que une Friol con Palas. A plataforma, dedicada a recoller bens culturais e naturais en perigo de destrución e deterioro, lanza un SOS á Xunta de Galicia para que non amplíe o firme e así se evite a destrución das marxes da vía, onde descansa o verdadeiro atractivo da mesma: as súas árbores autóctonas e os muros de pedra.

Segundo destacan na web da organización, a meirande parte das estradas tradicionais galegas tiñan árbores autóctonas en ambas marxes, “probablemente para facer más cómodas as viaxes entre pobos e facilitar a saúde dos animais que tiraban das dilixencias . Porén, coa chegada do automóbil “e sobre dos camións”, estas estradas foron sufrindo ampliacións laterais que levaron á tala das árbores en cuestión.

Unha das poucas estrada que resiste o envite do asfalto é a LU-231, situada entre as localidades de Friol e Palas de Rei, unindo as comarcas lucense da Ulloa. Segundo destacan na Lista Vermella, a estrada conta a ambos lados con castiñeiros, bidueiros e carballos; que á parte de ser especies autóctonas tamén son non pirófitas, é dicir, máis resistentes ós lumes. Completando o conxunto tradicional atópanse os muros de pedra “a xunta seca”, é dicir, sen cemento, unha técnica declarada Patrimonio da Humanidade pola UNESCO.

DEMANDAS

Nestas circunstancias, as demandas da plataforma oriéntanse á Xunta de Galicia para esixir que evite ampliar a anchura da estrada, unha operación que podería rematar coa riqueza presente a ambas marxes da mesma. Neste aspecto, destacan que se ben a estrada “ten falta de conservación e mantemento” si “mantén viva a paisaxe creada no século XIX”. Polo tanto, piden ás autoridades autonómicas que eviten ampliar lateralmente a estrada para non “arrasar” ao seu paso patrimonio natural e construído. Actualmente hai unha petición en Change.org para deter as obras.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...