InicioCulturaJazz "en movemento" nas rúas de Lugo dende este xoves

Jazz “en movemento” nas rúas de Lugo dende este xoves

5 bandas de dixieland percorrerán o centro da cidade nunha iniciativa para achegar a música á cidadanía "cumprindo coas restriccións sanitarias".

PUBLICADA O

- Advertisement -

5 bandas de jazz sairán a interpretar os seus standards ás rúas de Lugo dende este día 6 ó vindeiro 10 de setembro. As actuacións, programadas de cara á celebración do trixésimo Festival de Jazz da Cidade, comprenderá un total de 5 conxuntos -todos eles galegas- que actuarán os xoves entre as 20:30 e as 22 horas no casco vello da cidade.

A iniciativa, impulsada pola concellería de Cultura, pretende achegar a música á cidadanía cumplindo coas restriccións dun verán atípico.  “Apostamos por unha serie de concertos en movemento para cumprir coas medidas sanitarias ao mesmo tempo que enchemos de música as rúas”, afirmou Maite Ferreiro, concelleira do eido.

The Swinning Flamingos Street Band, Musklat Rubmlers, The Dixie Blinders, Dixielendas e High Society Jazz Band serán as bandas de dixieland que percorrerán as rúas do centro da cidade e “farán as delicias das amantes do jazz e da música en xeral”, segundo declarou a edil de cultura”. “Continuamos deste xeito co noso apoio á cultura dun xeito responsable que permita á veciñanza desfrutar de actividades culturais con total seguridade”, afirmou Maite Ferreiro, que engadiu “ademais, continuamos coa nosa aposta pola cultura galega no momento no que precisan máis apoio pola crise sanitaria”.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...