- Advertisement -
Un home sobre o que pesaba unha orde xudicial de entrada en prisión presentouse na comisaría da Policía Local de Lugo para pedir un permiso que lle permitise pasar a noite no Fogar do Transeúnte da cidade e resultou encarcerado.
Sucedeu o pasado 25 de xullo, sobre as 16:45 horas, cando o home apareceu na sede da Xefatura da Policía Local de Lugo para pedir un papel que lle permitise facer noite no albergue municipal.
O axente de servizo na Oficina de Atención ao Cidadá comprobou entón os datos do solicitante e descubriu que tiña en vigor unha orde xudicial de entrada en prisión. O home foi detido nese mesmo momento e entregado na Comisaría do Corpo Nacional de Policía CNP.
