Un condutor que provocou un accidente na cidade de Lugo foi imputado como investigado por un suposto delito contra a seguridade viaria, tras comprobar os axentes da Policía Local que cuadriplicaba a taxa de alcol permitida pola lei.
Os feitos sucederon onte -18 de xuño- ás 08:50 horas na Rúa Caravel, cando axentes da Policía Local acudiron ao lugar para levantar atestado, porque o vehículo que conducía este home provocáralle danos a outro coche estacionado.
Ao chegar ao lugar do accidente, os axentes decatáronse inmediatamente de que o condutor presentaba síntomas claros de embriaguez. Ao sometelo á proba de alcoholemia deu unha taxa de 1,08 miligramos de alcol por litro de aire expirado, máis de catro veces superior á permitida pola lei.
A Policía Local instruíu dilixencias para un xuízo rápido por un suposto delito contra a seguridade viaria.
