A lista do PP por Lugo para as eleccións autonómicas do 5 de abril presenta novidades. Aos nomes de Elena Candia e Francisco Conde (números 1 e 2), súmanselle nos primeiros postos a economista do IGAPE Cristina Sanz (3); o voceiro do PP en Lugo, Ramón Carballo; o delegado provincial, José Manuel Balseiro, xa cesado do seu cargo; ou a súa predecesora no posto, Raquel Arias (4).

Na candidatura tamén ten un oco a presidenta do PP en Vilalba, Sandra Vázquez; a cesada secretaria xeral de Igualdade, Susana López Abella; Encarna Amigo e Daniel Vega.