Os populares de Lugo presentaron unha iniciativa na Deputación na que instan ao Ministerio de Fomento a pór en funcionamento a iluminación da A-6 nos enlaces coa capital lucense.
“A nula ou deficiente iluminación da autovía A-6 ao seu paso por Lugo nos enlaces do Ceao, A Campiña, O Carqueixo e Nadela é motivo de constantes queixas ao longo dos últimos anos tanto por parte dos usuarios das vías como dos residentes na contorna”, sinalan.
O PP de Lugo asegura que Fomento xa coñece o “problema” pero censura que non lle poña solución.
