InicioSociedadeO crime das Gándaras supón o segundo asasinato machista en Lugo en...

O crime das Gándaras supón o segundo asasinato machista en Lugo en menos dun mes

Seguen as dilixencias para esclarecer o caso e atopar probas, como a arma do crime. Polo momento, o detido está pendente de ser interrogado. O Concello decretará tres días de loito oficial.

PUBLICADA O

- Advertisement -

O crime das Gándaras, no que se atopou o cadáver dunha muller con feridas de arma branca, supón o segundo asasinato machista na provincia no que vai de ano. Así o confirmou de maneira oficial a Subdelegación do Goberno.

O primeiro caso producírase nunha parroquia da Pastoriza, onde un ancián matou a súa muller, de 79 anos, para logo suicidarse ao tirarse pola fiestra.

SEGUEN AS DILIXENCIAS POLICIAIS

O home detido o pasado sábado como investigado polo homicidio da súa parella en Lugo non pasará a disposición xudicial ata este martes, día 11 de febreiro.  Fontes policiais precisaron que os responsables da investigación seguen pendentes do testemuño de varias persoas e continúan practicando dilixencias ordenadas polo Xulgado de Instrución Número 2 da capital lucense.

De feito, os investigadores da Policía Nacional aínda non lle tomaron declaración ao detido, Francisco Javier B.F., que foi imputado como investigado polos delitos de homicidio, violencia de xénero e violencia doméstica. A vítima, Clara María Expósito Vilanova, de 49 anos de idade, mantiña con el unha relación sentimental desde o verán pasado.

Os labores da Policía Xudicial céntranse nestes momentos en atopar a arma do crime, unha proba fundamental dentro da investigación.

O cadáver da muller, que estaba separada e tiña dous fillos, foi achado na súa casa, nun piso do barrio das Gándaras. Foi a nai da vítima a que alertou sobre as 22:00 horas do venres do achado do corpo, que presentaba feridas de arma branca no pescozo.

LOITO 

Tras estes feitos, o goberno local de Lugo ten previsto convocar esta mañá un pleno extraordinario e urxente para que a corporación municipal aprobe unha declaración institucional de repulsa contra o asasinato.

Ademais, nese mesmo pleno, a corporación municipal aprobará tres días de loito oficial, de modo que se suspenderán todos os actos públicos previstos polo Concello de Lugo para as próximas xornadas.

Tamén se producirán concentracións de repulsa ante a Casa do concello, a Subdelegación do Goberno e a Delegación territorial da Xunta de Galicia en Lugo, onde se gardará un minuto de silencio.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...