InicioSucesosDetida a parella da muller asasinada en Lugo como presunto autor do...

Detida a parella da muller asasinada en Lugo como presunto autor do crime

É acusado dos delitos de Homicidio, Violencia de Xénero e Violencia Doméstica. 

PUBLICADA O

- Advertisement -

Unha muller de 49 anos foi atopada morta na noite deste venres no piso no que residía soa na cidade de Lugo. Segundo informan fontes da Policía Nacional, o cadáver apareceu cunhas feridas de arma branca no pescozo.

De acordo con estas mesmas fontes, foi a nai da falecida a que acudiu ao redor das 22,00 horas á vivenda, situada na rúa da Ferradura, para levarlle comida. Tras o achado, avisou os servizos de emerxencias e os corpos de seguridade.

Dende o primeiro momento non se descartou ningunha hipótese, e finalmente, na tarde deste sábado, procedeuse á detención do presunto autor: a que era a súa parella actual. Este home, que foi arrestado na localidade de Lugo, é acusado dos delitos de Homicidio, Violencia de Xénero e Violencia Doméstica.

O acusado, de 47 anos de idade, podería pasar a disposición xudicial este mesmo luns, segundo informan fontes próximas ao caso.

Tras o levantamento do cadáver, o Xulgado de Instrución Número 2 de Lugo puxo todas as actuacións realizadas baixo o segredo de sumario. O corpo foi levado ao Instituto Anatómico Forense para a realización da autopsia.

SEGUNDO CASO EN GALICIA EN 2020

Por mor do ocorrido, a Delegación do Goberno contra a Violencia de Xénero solicita datos deste crime para constatar que se trata dun asasinato por violencia machista.

De confirmarse, o número de mulleres asasinadas por esta secuela ascendería a 10 en 2020 –un total de 1.043 desde 2003, cando se empezaron a contabilizar– e sería a segunda contabilizada en Galicia e na provincia de Lugo no que vai de ano.

O primeiro caso ocorreu o pasado 25 de xaneiro na Pastoriza, onde un home de 82 anos matou a súa muller e acto seguido quitouse a vida tirándose por unha xanela da vivenda.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...