InicioSucesosO paso de 'Elsa' por Lugo: choivas copiosas e 26 incidencias rexistradas

O paso de ‘Elsa’ por Lugo: choivas copiosas e 26 incidencias rexistradas

O caudal do río Miño ao seu paso por Lugo está máis baixo que hai unha semana.

PUBLICADA O

- Advertisement -

A borrasca Elsa deixou nas últimas horas precipitacións moi copiosas na provincia de Lugo e tamén ventos fortes, pero o número de incidencias contabilizadas na provincia quedou en 26, moi por baixo das chamadas a emerxencias noutras provincias galegas.

Na propia cidade, fontes de Protección Civil informaron a Cope Lugo de que non houbo que lamentar incidencias de gravidade, máis aló de que o vento envorcase algúns colectores no centro urbano durante a noite ou de que as fortes precipitacións fixesen desbordar a rede de pluviais en momentos concretos.

O río Miño segue desbordado ao seu paso pola cidade e alaga parte das instalacións do Club Fluvial, pero o seu caudal está lonxe do que alcanzou o pasado día 13, cando o nivel do río subiu en poucas horas case un metro e 20 centímetros.

A pasada madrugada, sobre as dúas, o caudal do río era de 400 metros cúbicos por segundo, cando hai unha semana se achegaba aos 580 metros cúbicos.

VÍAS CORTADAS EN CERVANTES

A Deputación traballa para despexar 5 estradas provinciais nos concellos de Cervantes e Pantón, cortadas polas incidencias do temporal Elsa. As vías en Cervantes están cortadas debido á caída de árbores, no caso de Pantón por desprendementos de terra causados polas intensas choivas e fortes rachas de vento.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...