- Advertisement -
Unha nova manda de xabaríns de preto de dez individuos, a maioría deles crías, foi visto este venres á tardiña moi preto do Centro Comercial As Termas, en Lugo.
Segundo informou un condutor a Lugo Xornal, esta nova manda foi vista sobre as 20.30 horas na Avenida Infanta Elena, pasando xa a rotonda de acceso ás Termas e antes de chegar ao negocio de aluguer de vehículos Renting Credit.
Varios condutores tiveron que aminorar a marcha e mesmo facer maniobras para evitar a manda de xabaríns. Non é a primeira vez que se ven estes animais no centro da cidade ou no seu entorno urbano a pesar da campaña posta en marcha pola Xunta para tentar erradicalos.
