InicioSucesosCentos de lucenses, sen agua durante toda a fin de semana por...

Centos de lucenses, sen agua durante toda a fin de semana por unha avaría

Segundo o edil Antonio Ameijide, esta situación é o resultado do "desmantelamento que fixo o PSOE durante vinte anos das brigadas municipais, como a de augas".

PUBLICADA O

- Advertisement -

Centos de veciños da cidade de Lugo, residentes na rúa Rei Don García, permaneceron durante boa parte do fin de semana sen subministración de auga corrente como consecuencia dunha avaría que se produciu o sábado e que, segundo o goberno local, quedará emendada este mediodía.

O goberno local precisou que a avaría se produciu á altura do número 41-43 da rúa Rei Don García e afectou a todas as vivendas da marxe esquerda da vía, no tramo comprendido entre a Rampla de Claudio López e Pintor Laxeiro.

O concelleiro de Medio Ambiente, Álvaro Santos, explicou que o uso de equipos especiais para arranxar a tubaxe de fibrocemento fixo “imposible” que os traballos para reparar o rebentón e restablecer a subministración comezasen ata hoxe, polo que lamentou “as molestias causadas aos veciños”.

O grupo municipal do Partido Popular denunciou que “mentres centos de lucenses quedaban sen auga durante o fin de semana”, o edil de Medio Ambiente “non foi capaz nin de levantar o teléfono para contratar un servizo de reparación de urxencia”.

Segundo o edil Antonio Ameijide, esta situación é o resultado do “desmantelamento que fixo o PSOE durante vinte anos das brigadas municipais, como a de augas”, a cuxos traballadores o Concello de Lugo débelles “entre 3.000 e 4.000 euros por gardas e servizos extraordinarios desde hai anos”.

Ameijide xa anunciou que o PP lle pedirá explicacións a Santos pola súa falta de “dilixencia para atallar este problema”, porque “parece indicar que veu ao Concello de Lugo para abrigarse durante catro anos no canto da traballar pola cidade”. EFE

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...