InicioPolíticaLara Méndez cre que Feijóo prepara "o salto a Madrid" ao propoñer...

Lara Méndez cre que Feijóo prepara “o salto a Madrid” ao propoñer unha gran coalición

"Por que esa suxestión non a fixo hai meses, porque ao final que interesa, o ben común, a gobernabilidade de España ou os seus intereses persoais?", preguntou Méndez en declaracións aos medios.

PUBLICADA O

- Advertisement -

A alcaldesa de Lugo, a socialista Lara Méndez, considera que o presidente da Xunta, o popular Alberto Núñez Feijóo, prepara “o salto a Madrid”, despois de avogar por un achegamento entre o PP e o PSOE para evitar que entre no Goberno central Podemos.

“Por que esa suxestión non a fixo hai meses, porque ao final que interesa, o ben común, a gobernabilidade de España ou os seus intereses persoais?“, preguntou Méndez en declaracións aos medios con motivo dunha visita ás instalacións do cuartel de San Fernando.

“Se o señor Feijóo pretendía buscar a gobernabilidade de España tivo ocasión hai nada de poder mostrar esa boa disposición e absterse para formar goberno, porque só coa abstención do PP chegaría para que puidésemos ter goberno hai dous meses”, censurou.

Ademais, a rexedora incidiu en que isto obedece a “un interese persoal, porque entre outras cousas teríase que pór de acordo todo o Partido Popular porque as voces (sobre a proposta de Feijóo) non son unánimes dentro do PP e, por tanto, terán que porse de acordo sobre o que queren facer”.

Méndez suxeriu que “parece que Feijóo está a preparar, realmente, o seu salto a Madrid e non parece que haxa unha vontade clara de formar un goberno estable e buscar a gobernabilidade do noso país”.

“É certo que estamos acostumados a que o PP utilice as institucións para un uso partidista e para o interese, neste caso, duns cuantos que son Feijóo e os seus acólitos. Por iso, eu son reticente ante esta iniciativa porque en todo caso non está de acordo todo o PP e se realmente buscaban a gobernabilidade de España xa habería un presidente estable no goberno de España desde setembro”, concluíu.

ÚLTIMAS

Seguen hospitalizados 3 dos 6 intoxicados con deterxente nunha pulpería de Lugo durante o San Froilán

Tres das seis persoas que tiveron que ser ingresadas a pasada fin de semana...

Ratifican sete meses de cárcere para unha nai de Lugo que impediu visitas ao seu fillo por parte dos avós

O Tribunal Supremo confirmou a condena a unha muller de Lugo por un delito...

Finalizan as obras para mellorar o sistema de saneamento do Cebreiro

A Confederación Hidrográfica do Miño-Sil (CHMS), organismo autónomo dependente do Ministerio para a Transición...

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...