InicioSucesosInvestigan dous casos de acoso a menores en Institutos de Lugo

Investigan dous casos de acoso a menores en Institutos de Lugo

As denuncias por parte das familias foron presentadas en outubro.

PUBLICADA O

- Advertisement -

Axentes do Corpo Nacional de Policía (CNP) completaron as correspondentes investigacións e remitido os resultados das mesmas á Fiscalía de Menores de Lugo por dúas denuncias de acoso a adolescentes que cursan os seus estudos en institutos da capital lucense, formuladas polas súas respectivas familias o pasado mes de outubro.

Segundo confirmaron fontes policiais, unha das denuncias foi tramitada a principios de mes e a segunda foi presentada na Comisaría Provincial a mediados de outubro. En ambos os casos, os alumnos de secundaria supostamente acosados, son adolescentes de entre 15 e 16 anos de idade.

Nun dos casos denunciados, un alumno foi agredido por outro nun instituto da capital lucense e, posteriormente, ameazado e hostigado a través das redes sociais por outros adolescentes.

Noutro instituto de Lugo, unha adolescente foi supostamente acosada e ameazada por catro compañeiras, até o punto de que a alumna tivo que “encerrarse no baño” por “medo”. As supostas acosadoras mesmo chegaron a tirarlle un líquido quente por detrás cando a súa nai foi a recollela ao instituto.

En ambos os casos, segundo as mesmas fontes, os investigadores identificaron “plenamente” aos supostos acosadores e as dilixencias quedaron en man da Fiscalía de Menores para a adopción das correspondentes medidas legais. EFE.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...