InicioSociedadeLugo estrea as Aulas Newton Móbiles, unha nova forma de incentivar a...

Lugo estrea as Aulas Newton Móbiles, unha nova forma de incentivar a ciencia, a tecnoloxía ou as matemáticas

As aulas instalaranse na Horta do Seminario do 22 de outubro ao 10 de novembro, polas que pasarán medio millar de alumnos dos colexios lucenses e tamén abriranse a todo público.

PUBLICADA O

- Advertisement -

O Concello de Lugo é o primeiro destino europeo onde se instalarán as Aulas Newton Móbiles impulsadas pola Fundación First Escandinavia e Boeing Europa, destinadas á formación do alumnado de secundaria da provincia. Unhas aulas, que segundo a alcaldesa, Lara Méndez, “brindarán á mocidade boas experiencias de aprendizaxe para incentivar o seu coñecemento cara ás profesións relacionadas coa ciencia, a tecnoloxía, a enxeñaría e as matemáticas”.

As Aulas Newton son espazos educativos STEM de alta calidade de 70 metros cadrados que se instalarán na Horta do Seminario do 22 de outubro ata o 10 de novembro, polo que pasarán máis de 500 alumnos e alumnas de idades entre os 14 e 16 anos dos colexios da provincia lucense. Pero ademais, os espazos estarán abertos ao público en xeral as fins de semana e os días festivos.

O módulo das aulas que chega a Lugo, chamado ‘Voamos cos números’, descubrirán dun xeito práctico e ameno os conceptos matemáticos na planificación e implementación dos voos e participar nos simuladores. Ademais, as salas de Novas Tecnoloxías do Concello de Lugo acollerán a formación dos profesores.

Nunha destas salas, Lara Méndez deu a benvida a este novo sistema educativo que, dixo, “axudará a motivar desde a mocidade os talentos científicos nunha cidade como a nosa que se está a situar claramente na innovación e na vangarda de Galicia”.“A nosa principal riqueza non se basea só no territorio, as materias primas ou o capital senón no talento colectivo e individual”, destacou.

A alcaldesa tamén agradeceu hoxe a presencia en Lugo de Francisco Conde, conselleiro de Economía, Emprego e Industria, colaborador xunto co Concello da iniciativa, así como a elección de Lugo como primeiro destino do espazo educativo por parte dos impulsores desta iniciativa, a Fundación First Escandinavia e Boeing Europa, representados hoxe na rolda de prensa polo docente da fundación Markus Bjerkenes, e José Enrique Román, director xeral de Boeing Research & Technology-Europe.

Despois da cidade lucense, as aulas viaxarán a Polonia, Países Baixos, Alemaña, Francia, Italia, Bélxica, Reino Unido e Suecia.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...