InicioMedioambiente e PatrimonioUnha moeda de 2 euros adicada a Lugo?

Unha moeda de 2 euros adicada a Lugo?

PUBLICADA O

- Advertisement -

A Asociación Lugo Monumental, que agrupa aos negocios do centro histórico da capital lucense, expresou a súa satisfacción polo feito de que o Congreso dos Deputados vaia a debater unha iniciativa proposta por este mesmo colectivo para que se emita unha moeda de dous euros dedicada ao tres patrimonios da Humanidade que atesoura a cidade.

Mediante un comunicado, Lugo Monumental “congratúlase da iniciativa que, en forma de Proposición Non de Lei (PNL), presentou o deputado lucense Joaquín García Díez” e que “aparece recollida no Boletín Oficial das Cortes publicado o día 1 de outubro, na súa páxina 48”.

Nesa proposición, pídeselle ao Congreso que inste o Goberno de España a emitir, acuñar e pór en circulación unha moeda de dous euros dedicada a conmemorar os tres patrimonios da Humanidade de Lugo, que son a súa Catedral do século XII, a Muralla Romana e o Camiño Primitivo a Compostela.

Así mesmo, insta o Goberno a pór en circulación esas moedas conmemorativas durante o ano 2021. Para deseñar esa moeda, proponse, en colaboración coas administracións locais e autonómica, “un concurso de ideas”, sempre “acorde ás normas de deseño establecidas nos regulamentos europeos”.

Lugo Monumental confía en que “cando se renoven as sesións nas Cortes Xerais”, despois das eleccións do 10 de novembro, esta iniciativa sexa aprobada e “o Goberno que saia das urnas poida tramitar esta proposta”.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...