InicioEconomíaO Concello de Lugo pon ao día as melloras nas vías rurais

O Concello de Lugo pon ao día as melloras nas vías rurais

O goberno local aproba o Plan de Mellora de Camiños 2018, tramita o Plan Único provincial e adxudica as melloras pendentes – En total suman 276.000 euros

PUBLICADA O

- Advertisement -

O voceiro municipal e concelleiro de Medio Rural, Miguel Fernández, informou este mércores na rolda de prensa posterior á Xunta de Goberno da aprobación de novas melloras en vías rurais. O Concello de Lugo actualiza así os compromisos do ano pasado e engade dous novos plans para o presente exercicio. En total, as rehabilitacións suman 276.000 euros en investimento. 

  • Plan de Mellora de Camiños Municipais 2018-2019: A xunta de goberno aprobou sacar a contratación por valor de 115.000€ actuacións en Santa Comba (na estrada que vai da LU-546 ao campo de fútbol), Santa María de Bóveda (núcleos de Abeledo e Coeo), Lamas e Calde. Este plan conta con subvención de Agader, a Axencia Galega de Desenvolvemento Rural.

  • Plan de Mellora de Camiños Municipais 2017-2018 (pendente): o concelleiro de Medio Rural avanzou a adxudicación inmediata das obras de acondicionamento do vial de Ferreirós, en Adai, a Ombreiro, que conta cun orzamento de 58.200€.

  • Plan Provincial Único de Cooperación cos Concellos 2018: O Concello elabora e tramita no marco deste programa– financiado pola Deputación– a contratación de tres proxectos de melloras viais en Esperante, Camiño do Muíño (Santo André de Castro) e Mazoi por importe de 103.000€.

Este investimento superior aos 276.000 euros contribúe, en palabras do voceiro municipal, a “avanzar na mellora de servizos e infraestruturas das parroquias de Lugo, e polo tanto, na mellora da calidade de vida dos seus veciños e veciñas, un obxectivo central na acción política deste Goberno, que o rural sexa un lugar de oportunidades”.

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...