InicioSociedadeDenuncian "nefastas condicións de hixiene e seguridade" en dous centros escolares de...

Denuncian “nefastas condicións de hixiene e seguridade” en dous centros escolares de Lugo

A Federación Provincial de ANPAs critica a "desinformación que desde a Consellería de Educación está a darse" e di que coninuará reclamando "medidas urxentes".

PUBLICADA O

- Advertisement -

A Federación Provincial de ANPAs de colexios públicos de Lugo (Fapacel) cualificou como “pésimo” o inicio do curso nos colexios de Cervo e Casás -na capital lucense-, como consecuencia das “nefastas condicións” das aulas en ambos os centros en materia de seguridade e hixiene.

Nun comunicado, Fapacel recoñece que as familias que teñen aos seus fillos matriculados no colexio de Cervo están “moi desgustadas pola situación”, dado que en ningún momento ofreceuse “alternativa ou solución”. O sentimento, engade, é de “impotencia e malestar”, porque se iniciou o curso nunhas “instalacións inadecuadas en canto a seguridade e hixiene”, pero que a xuízo da Consellería de Educación “están en perfecto estado”.

“O enfado das familias de Casás tamén é importante”, engade este colectivo, e “os pais e nais” teñen o propósito de “non levar aos nenos” ao colexio até o luns, “esperando a que acaben as obras e se habiliten as aulas con todo o material que o profesorado necesita, pois a día de hoxe aínda non hai libros, nin lousas nin computadores”.

“Preocupa moito a desinformación que desde a Consellería de Educación está a darse e mentres isto continúe seguiremos reclamando medidas urxentes”, di Fapacel, quen “comparte a preocupación das familias afectadas e apoia todas as súas accións reivindicativas.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...