InicioEconomíaA Xunta promove en Lugo un programa que apoia a contratación de...

A Xunta promove en Lugo un programa que apoia a contratación de mozos titulados

O programa 'Profesionais 4.0' quere "reter o talento" da xuventude e ofrece axudas que poden alcanzar ata o 75% da retribución bruta do empregado.

PUBLICADA O

- Advertisement -

O delegado da Xunta en Lugo, José Manuel Balseiro, deu a coñecer este luns o programa ‘Profesionais 4.0’, polo que se estimula o “apoio á contratación por autónomos e empresas de mozos recentemente titulados”.

Balseiro destacou que se trata dun programa “pioneiro” posto en marcha pola Consellería de Economía, Emprego e Industria a través do Igape. Está destinado á “especialización e o acceso ao mundo laboral dos mozos que contan con titulación universitaria ou de técnico superior de formación profesional e unha experiencia inferior aos dous anos”. O proxecto nace cun triplo obxectivo, aseguran: “reter talento en Galicia, favorecer o desenvolvemento da carreira profesional da xente nova e apoiar o tecido empresarial”.

A través desta liña de axudas, dotada con dous millóns de euros, incentivarase a contratación e a formación destes profesionais por parte das empresas, autónomos con dous ou máis anos empregados e as asociacións ou fundacións para a realización de plans que garantan o seu avance competitivo na Industria 4.0.

A porcentaxe de axudas á contratación destes mozos entre 18 e 35 ano poderá alcanzar o 75 por cento da retribución bruta que perciba o contratado, ata un límite dun ano de duración. Cada entidade beneficiaria poderá optar a un máximo de cinco contratos incentivados, e a retribución salarial anual bruta que percibirá cada novo traballador “non será inferior a 19.000 euros”, explicou o delegado.

ACTIVIDADES DIVERSAS

As iniciativas poden desenvolverse “en actividades tan diversas como a optimización financeira, a profesionalización da produción e cadea loxística, o desenvolvemento de procesos e sistemas de xestión da calidade, a identificación e posta en marcha de redes de cooperación e socios, a aposta polo capital humano, o asesoramento integral ao proceso emprendedor, a dixitalización ou creación de contidos dixitais e a incorporación de tecnoloxía”, entre outros.

O prazo de solicitude a estas axudas, onde serán as empresas ou entidades as que se encarguen da contratación, conclúe o 7 de outubro, e para acceder a estas axudas haberá que estar dado de alta no paro e tamén no Igape.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...