InicioSociedadeO traslado da estación de buses á futura intermodal: "unha barbaridade"

O traslado da estación de buses á futura intermodal: “unha barbaridade”

Lugo Monumental cre que a nova ubicación é "máis incómoda" e afastada da cidade. Só ven comprensible esa medida unha vez que se melloren as conexións ferroviarias con Lugo e aumente a demanda da intermodalidade. O colectivo ecoloxista ADEGA tamén se opón.

PUBLICADA O

- Advertisement -

O colectivo de empresarios Lugo Monumental e a organización ecoloxista Adega manifestaron este venres o seu rexeitamento a que a estación de autobuses sexa desprazada á futura intermodal, que se situaría nunha zona máis afastada do casco histórico da cidade.

En declaracións aos medios, o presidente de Lugo Monumental, Luís Latorre, considerou esa idea como “unha barbaridade”, algo no que coinciden ambas asociacións, a pesar de ser “moi diferentes”. Latorre non ve “xustificación algunha” para o traslado da estación de autobuses dende a súa actual localización—”céntrica e cómoda” (na praza da Constitución, ao pé da Muralla)— á zona de Conde Fontao. Segundo el, trátase dunha ubicación “máis incómoda” e afastada do centro, que non ten razón de ser neste momento.

De feito, o representante dos negocios do casco histórico de Lugo criticou que se acometa “unha obra multimillonaria” cando a demanda de intermodalidade nos transportes públicos é practicamente “nula” en Lugo a día de hoxe. Porén, pediu que se faga a estación de tren e que se facilite a conexión do AVE coa cidade. Só daquela –cando “si que veñan trens”- será comprensible o traslado da estación de autobuses a esa nova localización, di. Mentres tanto, insiste en que dita a medida é unha “barbaridade”

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...