- Advertisement -
Un turismo atropelou a dúas persoas nun paso de peóns en Lugo, na tarde deste sábado, resultando ferida grave unha das mulleres, de avanzada idade. Ambas viandantes tiveron que ser trasladadas en ambulancia ao HULA.
Segundo informa o Concello de Lugo, o atropelo produciuse ás 18,30 horas, no paso de peóns da rúa Portugal no cruzamento con Lamas de Prado. O turismo estaba conducido por unha persona de 54 anos, que deu negativo na proba de alcoholemia.
As vítimas foron dúas mulleres, unha de 52 anos, e outra de avanzada idade que resultou grave. As dúas viandantes foron trasladadas en ambulancia ao centro hospitalario.
