InicioPolíticaO PP tacha de "desprezo ao rural" que Lugo non se sume...

O PP tacha de “desprezo ao rural” que Lugo non se sume ao convenio da Xunta para protexelo dos incendios

O concelleiro Manuel López criticou que a capital sexa "un dos catro concellos" da provincia que non se sumou ao convenio.

PUBLICADA O

- Advertisement -

O concelleiro do grupo Popular de Lugo Manuel López criticou que a capital sexa “un dos catro concellos” da provincia que non se sumou ao convenio da Xunta para protexer ao rural dos incendios, polo que tachou esta decisión de “un desprezo á zona rural” por parte do goberno local.

O edil do PP pediu explicacións para saber os motivos polos que a alcaldesa de Lugo, Lara Méndez, rexeitou acollerse a esta subvención do Goberno autonómico “cando no último mandato de Méndez Lugo contou todos os veráns con dúas brigadas financiadas polo Executivo autonómico”, agás en 2015, que só tivo unha.

Ademais, destacou que en anos anteriores o goberno de Lugo tamén recibiu axudas económicas para limpar case 100 hectáreas de superficie forestal.

Para López, a renuncia a sumarse a este convenio da Xunta, polo cal se investirán tres millóns de euros na provincia, “reflicte unha absoluta falta de implicación do goberno local nas tarefas de prevención de incendios”, polo que pediu explicacións “desta decisión tan lesiva para os intereses dos cidadáns”.

“PASOTISMO”

O concelleiro tamén criticou o “pasotismo” da alcaldesa por rexeitar “a oportunidade que se lle brindou para contratar dez operarios das brigadas así como os medios para limpeza de maleza en leiras forestais“.

“A alcaldesa non mide as consecuencias da súa decisión, xa que rexeitar recursos sen máis é unha decisión imprudente, sobre todo tendo en conta que no noso concello está a única parroquia de toda a provincia clasificada de alta actividade incendiaria“, lamentou, en alusión a Bóveda.

O popular tamén incidiu en que Lugo é o terceiro municipio da provincia con maior zona rural (case 300 quilómetros cadrados), só por detrás de Vilalba e A Fonsagrada.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...