O Diario Oficial de Galicia (DOG) publicou este luns dúas resolucións da Consellería de Medio Ambiente e Cambio Climático pola que se outorga a autorización administrativa previa e de construción de dous novos parques eólicos na provincia de Lugo.
En concreto, trátase de dúas instalacións promovidas por Naturgy Renovables. Unha delas estará situada entre os concellos de Castroverde e Pol, en Lugo, mentres que o outro se situará nos municipios de Láncara, Baralla, Castroverde e Baleira, tamén na provincia.
Así, o primeiro trátase da Ampliación Monciro e terá unha potencia duns 6,93 megawatts (MW). O orzamento de execución material calcúlase en case 17 millóns de euros con dous aeroxeradores, ademais de dous centros de transformación, rede colectora subterránea e outros elementos.
O segundo, denominado Montelora, suporá un investimento que roldará tamén os 17 millóns e contará con 25 MW e cinco aeroxeradores.
