InicioEconomíaA Xunta licitará as obras para a rúa Serra de Meira en...

A Xunta licitará as obras para a rúa Serra de Meira en Lugo cun millón de euros

O proxecto contempla unha intervención integral orientada a converter esta contorna nun espazo máis "seguro, accesible, ordenado e agradable" para a cidadanía

PUBLICADA O

- Advertisement -

A conselleira de Vivenda e Planificación de Infraestruturas, María M. Allegue, avanzou a licitación das obras de urbanización da rúa Serra de Meira en Lugo para este luns, cun investimento de 1,1 millóns de euros.

Tal e como trasladou o Goberno galego nunha nota de prensa, Allegue presentou este sábado a licitación das obras, pondo o acento na súa importancia. Coa publicación este luns na Plataforma de Contratos Públicos de Galicia da licitación as empresas interesadas poderán presentar as súas ofertas ata o próximo 22 de xuño.

Neste contexto, a conselleira de Vivenda e Planificación de Infraestruturas subliñou que se trata dunha actuación necesaria para mellorar e ampliar esta vía, no tramo comprendido entre as glorietas de Serra de Meira e da avenida Adolfo Suárez.

De forma detallada, o proxecto contempla unha intervención integral orientada a converter esta contorna nun espazo máis “seguro, accesible, ordenado e agradable” para a cidadanía. Así, as obras incluirán a pavimentación da calzada, a construción de novas beirarrúas, a mellora da capa de rodaxe das sendas peonís, actuacións de xardinaría e a instalación de mobiliario urbano.

Ademais, levará a cabo a modernización dos servizos urbanos de saneamento e abastecemento de auga, a mellora da iluminación pública e a sinalización.

Durante o acto, a alcaldesa lucense, Elena Candia, remarcou a importancia dunha actuación “moi necesaria para mellorar a seguridade, a accesibilidade e a mobilidade” nesta zona da cidade. Nesta liña, asegurou que con ela se dá un novo paso para seguir avanzando no desenvolvemento do Plan Paradai, un proxecto estratéxico para Lugo.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...