A Facultade de Veterinaria acollerá este venres o acto de entrega do XXVI Premio Aresa de Desenvolvemento Rural que nesta edición se lle concedeu a ‘Bico de Xeado’.
Presidirán a cerimonia o vicerreitor de Organización Académica e do Campus de Lugo, Francisco José Fraga; a conselleira do Medio Rural, María José Gómez, e a presidenta de Aresa, Carlota López.
Estarán tamén presentes, como membros do xurado, María García, CEO de Granxa Campomayor, e Carlos Herrero, catedrático de Química Analítica. A conferencia maxistral do acto, titulada “Galicia: gandería, pesca e forestal”, será ofrecida por Hugo Criado, CEO de Medrar.
