InicioEconomíaAs ‘Mariñeiras’ daranse a coñecer nunha das feiras de snacks máis importantes...

As ‘Mariñeiras’ daranse a coñecer nunha das feiras de snacks máis importantes do mundo

Trátase da ‘International Sweets and Snacks Trade Fair’, feira que se celebra na cidade alemá de Colonia do 2 ao 5 de febreiro.

PUBLICADA O

- Advertisement -

A empresa chantadina Lugar Da Veiga S.L.L., coñecida en gran parte pola elaboración das populares galletas Mariñeiras, participará no mes de febreiro nun importante escaparate comercial que terá lugar en Alemaña.

Trátase da ISM 2025 (International Sweets and Snacks Trade Fair), unha feira que se desenvolverá no recinto feiral de Colonia do 2 ao 5 de febreiro. Este encontro é o máis importante a nivel mundial do sector do doce e do snack, alcanzando este 2025 a súa 54ª edición. O perfil de empresas expositoras abrangue dende empresas grandes e moi consolidadas no mercado, ata outras medianas e pequenas que buscan posicionarse en nichos máis especializados.

A feira constitúe un punto de encontro para fabricantes, importadores e para o comercio do sector en xeral, servindo como plataforma de presentación de produtos e novidades así como tamén de punto de encontro onde os compradores poden observar as tendencias do sector.

Dende Daveiga lembran que ata Colonia desprazarase un pequeno equipo comercial, e xa no recinto feiral poderá atoparse o seu stand no Hall 11.1:H056 entre as 9 da mañá e as 18:00 h. da tarde.

Xosé Lois Lamazares, coordinador xeral de ‘Daveiga’ / XdL

ÚLTIMAS

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...

A prisión un lugués por distribución de material sexual infantil

A Policía Nacional detivo a 16 persoas por posesión e distribución de material de explotación...