Os pensionistas de Lugo senguen sendo dos que menos cobran do Estado, só 723 euros, o que supón case 100 euros menos que a pensión media de Galicia e máis de 200 euros con respecto a pensión media española.
De feito, os lucenses son os que menos cobran de España e de Galicia, só superando aos pensionistas de Ourense que teñen unha pensión de 702 euros, e por debaixo da pensión media de Estremadura, que é a comunidade coa pensión mínima, de 798 euros. Por provincias, A Coruña (856’94 euros) e Pontevedra (855’21) son as que manteñen as pensións máis altas.
Con todo, as pensións galegas situáronse a día 1 de decembro nunha media de 814’09 euros, o que supón un crecemento do 3’9% en relación co mesmo mes de 2017. Aínda así, esta cantidade segue sendo a segunda máis baixa das Comunidades Autónomas, tan só por enriba de Estremadura (798’41).
Ademais, o número de pensións en Galicia ascendeu un 0’4% nun ano, ata chegar ás 764.935 (un 28’2% da poboación), segundo datos que deu a coñecer este xoves o Instituto Nacional da Seguridade Social (INSS) do Ministerio de Traballo.
