InicioEconomíaA imparable desaparición de explotacións lácteas: 52 menos en outubro

A imparable desaparición de explotacións lácteas: 52 menos en outubro

Fruga alerta de que esta tendencia condena o rural á desertización e lembra que Galicia segue á cola das autonomías no prezo do leite

PUBLICADA O

- Advertisement -

A Federación Rural Galega (Fruga) volve a constatar o ritmo imparable da desaparición de explotacións do séctor lácteo no país. En outubro, Galicia perdeu 52 granxas, ás que hai que engadir as 419 que cesaron a actividade entre xaneiro e setembro. “Cando a situación non permite vivir dignamente, óptase polo abandono”, di Elías Somoza, coordinador da Fruga en Lugo.

Na actualidade, e segundo as cifras que ofrece a Federación, persisten entre as catro provincias galegas algo menos de 7.700 explotacións lácteas. Somoza apunta que a situación é “irreversible” por mor da falta de relevo xeracional e a escaseza nos marxes económicos.

Galicia segue á cola no prezo do leite no conxunto do Estado, e existe asemade unha sensible baixada no que se paga polos derivados lácteos. Así, dende a Fruga responsabilizan á Xunta de Galicia e mailo Goberno central de desatender o rural, condenado á “desertización” de continuar o peche de explotacións de vacún de leite.

A tendencia do sector é preocupante. En 2017, a Fruga constatou a desaparición de 463 granxas de leite na comunidade, e os prezos continúan en caída, o que combinado co encarecemento da vida, ofrece pobres perspectivas.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...