A conselleira de Medio Rural, Ángeles Vázquez, defendeu este mércores o “proxecto tractor” que suporá para Galicia a instalación da fábrica de Altri, actualmente en exposición pública, e admitiu que necesitará captar “volume de auga” do encoro de Portodemouros, pero que “se vai a reutilizar”. A preguntas dos medios sobre as críticas pola cantidade de auga que requirirá esta actividade, Ángeles Vázquez admitiu que captará “volume de auga” do encoro de Portodemouros, pero que esta auga se vai a “reutilizar”.
Polo momento, o proxecto “está en exposición pública” para “dar explicacións con total tranquilidade e transparencia”, dixo Vázquez, que considerou este “un moi bo proxecto” que “vai cumprir absolutamente con todos os condicionantes desde o punto de vista ambiental” e que será “único a nivel europeo”. “O peor que lle podemos facer ao territorio galego é o abandono, que a xente se teña que marchar a traballar a outras comunidades”, dixo Vázquez, apuntando que Galicia “non pon trabas” aínda que si fai “cumprir a lei”.
