Os traballadores apoiaron, por unanimidade en asemblea celebrada este venres, o preacordo para o convenio colectivo de Urbaser Vilalba. Diso informa Xosé Paz, de CIG-Servizos, quen explica que tamén se desconvocará así a folga de recollida de lixos iniciada o pasado 21 de agosto, a cal estaba suspendida desde o 14 de setembro.
Deste xeito lógrase unha subida do 6 % en materia económica para 2023, mentres que en 2024 e 2025 os aumentos serán do 4 % en cada anualidade. O persoal tamén cobrará unha prima de convenio de 400 euros.
Por outra banda, conséguese un día máis de vacacións (31 días), á vez que se rebaixa a xornada semanal de 39 a 37,5 horas. Entre outras cuestións, a empresa proporcioniará dúas pezas de roupa de traballo e un par de botas Goretex.
