InicioEconomíaDenuncian que o Grupo Santé debe 150.000 euros a cinco gandeiros

Denuncian que o Grupo Santé debe 150.000 euros a cinco gandeiros

Agromuralla fai un chamamento a non facer negocios con esta propietaria, que tacha de "armazón de empresas fantasma".

PUBLICADA O

- Advertisement -

Agromuralla denuncia “importantes débedas” por 150.000 euros de Central Leiteira de Lugo (Grupo Santé) e de LCG Fruits, actual propietaria da antiga planta de Leite Pascual en Outeiro de Rei, con cinco asociados desta entidade.

Nun comunicado, a asociación de gandeiros informa de que esta falta de pagamentos se remontan aos meses de outubro e novembro do ano pasado. “Son importes nalgúns casos de máis de 35.000 euros por gandaría, esenciais neste momento para garantir a supervivencia destas explotacións”, afirma.

Segundo indica Agromuralla, “LCG Fruits & Juices SL, asentada en Castela-A Mancha e Andalucia e con negocios no sector do viño, cítricos e zumes de froitas, adquiriu o pasado ano a Tegestacín as instalacións de almacenamento e envasado de leite de Outeiro de Rei, e, tras despedir á totalidade do cadro de persoal, reduciu a actividade ata deixar de envasar leite líquido nela e pechar a planta no mes de decembro”.

“Central Leiteira de Lugo non pagou o leite recollido e entregou aos produtores pagarés sen fondos a nome da actual propietaria da planta de Outeiro de Rei, LCG Fruits, como garantía”. A pesar da falta de pagamentos, a empresa segue coa recollida de leite e ofrece novos contratos para captar explotacións. Por iso, Agromuralla fai un chamamento a non facer negocios co que tacha de “armazón de empresas fantasma”.

ÚLTIMAS

Conclúe a inspección da nave de Mazoi calcinada este martes e a empresa desconfía de que fose provocado: “Non sei como prende unha nave...

A Policía Científica deu por concluída este mércores a inspección da nave de reciclaxe da parroquia de...

O BNG presenta máis de 700 alegacións ao proxecto que Altri expón para implantar en Palas de Rei

O BNG presentou na Xunta máis de 700 alegacións contra o proxecto que Altri quere implantar en Palas...

Veterinarios de Lugo alertan do “risco vital” para mascotas que supón o novo decreto da Xunta sobre uso de medicamentos humanos

O Colexio de Veterinarios de Lugo advertiu de "risco vital" para mascotas e outros animais, como cabalos, tras...

Detido un home en Monterroso por roubar nunha oficina de Correos

A Garda Civil detivo na localidade lucense de Monterroso a un home de Lalín como presunto...