O presidente da Deputación de Lugo, José Tomé Roca, subscribiu un convenio co reitor da Universidade de Santiago de Compostela, Antonio López Díaz, polo que a institución achegará 370.500 euros para o apoio e a potenciación ao campus na cidade.
Pola súa banda, a institución académica dedicará 50.000 euros que se achegarán ao montante para desenvolver proxectos de mellora da calidade docente, innovación, desenvolvemento do rural e mellora das infraestruturas universitarias.
José Estafei incidiu na importancia deste acordo para plasmar o “apoio decidido e continuado” á actividade da institución académica en Lugo e, por tanto, “á educación pública de calidade”.
Doutra banda, a institución provincial destacou que esta semana entrarán un total de 13 usuarios ao Centro de Atención a Maiores de Pedrafita do Cebreiro, os primeiros deste novo centro da Deputación. Os ingresos realizaranse de modo progresivo ata completar prazas.
Tomé Roca valorou este centro que “cumpre cunha reivindicación histórica” do municipio e dos veciños de Pedrafita, que agora contarán “cunha dotación de calidade” para os seus maiores, “moi esperada e moi demandada”, que “marcará un antes e un despois”.
