UXT-FICA lamentou que traballadores de Viesgo en Lugo tivesen que recorrer a denunciar nos tribunais a “diminución” das súas condicións sociais.  Nun comunicado, o sindicato censura que a empresa “obtén millóns de beneficios e pretende aumentalos recortando dereitos aos traballadores”.

Segundo explica, traballadores cunha incapacidade “vense na obriga de acudir ao xulgado do social” en Lugo ao non recoñecer Viesgo os beneficios sociais que “foron adquiridos co tempo”. De tal forma, UXT-FICA Lugo reclama a Viesgo que rectifique e que recoñeza os dereitos dos traballadores sen ter que xudicializar todos os procesos.

Reprocha que a empresa busque aumentar beneficios “a conta dos seus traballadores, deixando a estes e ás súas familias en total indefensión”, “véndose abocados a recorrer á xustiza para que se recoñezan os seus dereitos”, “e a propósito de que a razón é dos traballadores”.