A empresa lucense Data Monitoring vén de gañar os Premios EmprendedorXXI en Galicia, impulsados por CaixaBank e Enisa co apoio do Igape. O fallo dos galardóns deuse a coñecer hoxe na Dayone Innovacion Summit JUNTOS XXI, un evento para recoñecer as startup con maior potencial.
Data Monitoring, que está asentada no edificio CEI-Nodus de Lugo, é unha compañía de base tecnolóxica que ofrece solucións integrais de control de máquinas e procesos, a través do Big Data e da Internet das Cousas.
O premio inclúe unha dotación económica de 5.000 euros, o acceso a un programa de formación internacional organizado por ESADE en colaboración con expertos de Silicon Valley e mentoring especializado.
