InicioEconomíaO sector forestal lucense consolídase como baluarte do piñeiro en Galicia

O sector forestal lucense consolídase como baluarte do piñeiro en Galicia

Os propietarios forestais de Lugo ingresaron arredor de 81,8 millóns de euros pola venda de madeira no ano 2020.

PUBLICADA O

- Advertisement -

EFE | A Asociación Forestal de Galicia (AFG) informou de que os propietarios forestais da provincia de Lugo ingresaron arredor de 81,8 millóns de euros pola venda de madeira no ano 2020, de acordo cos datos de tallas rexistrados pola Consellería do Medio Rural.

A comarca da Mariña é a que concentra un maior volume de facturación, con 29,6 millóns de euros; seguida pola Terra Chá, con 21,1 millóns, e o distrito forestal de Lugo-Sarria, con 19 millóns de euros.

De feito, os datos da Mariña sitúan a esta comarca como o segundo distrito forestal de Galicia con maior facturación pola venda de madeira durante o pasado ano, moi preto de Ferrol -Ortegal e Bergantiños- As Mariñas Coruñesas, que lidera a lista con 31,2 millóns de euros. Ademais, A Mariña tamén é a segunda comarca de Galicia con máis vendas de madeira de eucalipto, tamén por detrás de Ferrol-Ortegal.

Lugo tamén se consolida, segundo a AFG, como “bastión do piñeiro en Galicia”, pois as tres comarcas con maiores tallas de coníferas corresponden a esta provincia. Destaca a zona de Lugo-Sarria, que supera os 11 millóns de euros de facturación pola venda de madeira de piñeiro.

Con estes resultados, a asociación afirma que “o monte en Galicia” volveu a confirmar que é “un sector resiliente ás cíclicas crises” e as “comunidades de montes e propietarios particulares” demostraron outra vez a “fortaleza do mesmo, cunha xestión “similar á doutros exercicios”.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...